QUÉ EI UN BÒSC SINGULAR?

Un bòsc singular ei aqueth que presente valors plan superiors as dera matritz de bòsqui que conformen un territòri.

Conven d’auer present que:

Bòsqui damb pòga intervencion umana

Son bòsqui sense signes d’explotacion e/o frequentacion umana. Generaument, i trobaram arbes viui de granes dimensions, arbes damb edat notabla; quauqui arbes mòrti e encara dreti, e husta mòrta de diferentes dimensions e estats de descomposicion. Toti aguesti elements jòguen un papèr clau ena biodiuersitat pr’amor que son refugi e aliment de fòrça espècies sustot de fongs, d’insèctes e vertebrats.

Bòsc
 

Bòsqui damb espècies rares protegides o amenaçades

Aciu s’i includissen tant es bòsqui dominadi per espècies forestaus, qu’en Catalonha rarament formen bòsqui, coma ara tèishi, grifols, erables, eca., coma es bòsqui enes quaus i viuen d’autes espècies de flòra e/o fauna protegides, ja que part d’aguestes espècies son insèctes o audèths que viuen en bòsqui e que son amenaçadi o que son rars.

Bòsqui damb un interès socioculturau e educatiu

I a bòsqui qu’an arribat a formar part deth patrimòni culturau. Aguesta singularitat compòrte ua bona accessibilitat e ua nauta frequentacion, rason pera qu’acostumen a auer infrastructures d’acuelhuda que les hèn encara mès idonèus entà desvolopar-i activitats educatives relacionades damb era natura.

 

Bòsqui damb ua gestion modelica

Era gestion tanben pòt jogar un papèr important ena produccion, pr’amor que soent se l’a relacionada damb era qualitat deth terren. Era identificacion de bòsqui de grana qualitat, ei a díder, damb arbes nauti e ben formadi, apòrte referéncies entara melhora dera gestion des bòsqui.

> Quauqui bòsqui de Catalonha